|
GASTOS SUBVENCIONABLES
|
Son subvencionables os gastos realizados entre o 1 de xaneiro do 2026 ata o 15 de decembro do 2026.
- PROMOCIÓN INTERNACIONAL
Inclúe:
- Participación como expositores en feiras
- Participación activa en outros eventos expositivos de carácter internacional
- Misións comerciais directas
- Misións comerciais inversas
Custos subvencionables:
- Aluguer de espazos e/ou stand, e servizos relacionados coa participación na feira ou evento, por exemplo: dereitos de inscrición, montaxe e desmontaxe de stand, aluguer de mobiliario e equipamento, alugueiro de equipos audiovisuais, participación en actividades paralelas organizadas no marco da feira; contratación de intérpretes, modelos ou persoal de apoio.
- Gastos de envío de mostras sen valor comercial e de catálogos.
- Gastos de asistencia externa no destino para a elaboración de axendas de reunións e a organización das actuacións anteriores.
- Gastos de intérpretes.
- Gastos de viaxe e aloxamento: serán subvencionables os gastos de viaxe correspondentes a un máximo de dúas persoas por empresa participante. Inclúese: billetes de avión, teren, bus, barco e desprazamentos internos que sexan necesarios para o desenvolvemento da acción, incluídos os desprazamentos internos dentro do país.
- Aluguer de vehículos sen condutor. Exclúense os gastos de taxi e VTC.
- Aloxamento no destino final, en réxime de aloxamento e almorzo, na cidade de celebración da feira ou evento expositivo ou da misión comercial, ou nos seus arredores.
- Para misións comerciais inversas son subvencionables os gastos mencionados. Inclúese os desprazamentos internos en Galicia, gastos de intérpretes e aluguer de salóns e espazos de traballo.
B) COMPETITIVIDADE INTERNACIONAL:
- Compra de espazos publicitarios e inserción de anuncios en medios de comunicación impresos ou dixitais, con difusión no estranxeiro. Campañas realizadas dentro do prazo de execución do proxecto. Non serán subvencionables os gastos de deseño e elaboración das campañas.
- Compra de espazos publicitarios e inserción en catálogos en papel ou dixitais e/ou páxinas web de importadores/distribuidores no estranxeiro.
- Gastos para a elaboración de catálogos en papel ou dixitais para a súa difusión en mercados estranxeiros. Este gasto só será subvencionable cando estea vinculado á execución de polo menos unha acción de promoción.
- Gastos de servizo de consultoría para a elaboración de documentos que inclúan a metodoloxía enfocada a descubrir novos mercados internacionais para a empresa a través do estudo da competencia en ditos mercados, tales como análise de competidores, identificación de boas prácticas, benchmarking funcional e similares.
- Gastos de servizo de consultoría para accións de seguimento de contactos ou de clientes xa existentes no estranxeiro, dirixidos á consolidación do negocio e á implantación promocional no destino.
- Gastos de consultoría, asistencia xurídica e técnica para a xestión de acordos comerciais internacionais, certificacións, homologacións e rexistros de marcas e patentes de produtos e servizos para o estranxeiro, informes de liberdade de operación (freedom to operate) ou similares; adaptacións do produto necesarias para a súa comercialización no mercado de destino, así como asesoramento para a loxística internacional.
- Servizos para a tradución de documentación.
- Gastos de taxas específicas e inherentes aos servizos, sempre que estean relacionados coa actuación subvencionada e sexan indispensables.
Gastos non subvencionables: Custos de mailing, convites, material de papelería, tarxetas, sobres, carpetas, listas de prezos e calquera material que non estea dirixido a fins promocionais, carteis, manuais de instrucións, flyers, displays, produtos de merchandising e outros agasallos promocionais.
C) INTERNACIONALIZACIÓN DIXITAL E E-COMMERCE:
- Creación de novas tendas en liña ou adaptación das existentes para promover a venda en mercados internacionais, así como o pagamento de cotas para a introdución dos produtos da empresa en plataformas de comercio electrónico no mercado obxectivo. Non se inclúe o mantemento e actualización anual da páxina web.
- Creación e adaptación de catálogos en liña para o marketing e as vendas en mercados electrónicos obxectivo, tanto B2B como B2C.
- Campañas de inbound marketing internacional para lograr captar, reter, converter e fidelizar usuarios de interese obxectivo do negocio en liña.
- Solucións de analítica e visualización de datos para elaborar cadros de mando con indicadores (KPI’s) para o seguimento e optimización das canles de venda e marketing en liña.
CUSTOS INDIRECTOS
Son aqueles custos distintos dos custos directos subvencionables, que non poden vincularse directamente á actividade subvencionada, pero resultan necesarios para a súa realización. Inclúense aquí os gastos administrativos (como xestión administrativa e contable), subministracións (comunicacións, auga, electricidade, calefacción, teléfono), seguros, mantemento ou limpeza.
NOTA: Só se poderá presentar e aprobar 1solicitude por beneficiario.
|
