Informámosche de que se amplía o prazo para optar á liña de axudas dotada con 5 millóns de euros, destinada ao embelecemento de establecementos turísticos e de restauración localizados na franxa da costa galega, no marco do Plan do Litoral da Xunta de Galicia.
O novo prazo para presentar solicitudes esténdese ata o 12 de decembro de 2025.
Quen pode beneficiarse
Poden acceder a esta convocatoria os titulares de establecementos turísticos de aloxamento (hoteis, campamentos, turismo rural, etc.) e de restauración (restaurantes, cafés, bares) situados en municipios costeiros de Galicia.
Que actuacións se subvencionan
A convocatoria inclúe tres liñas de actuación:
- Eficiencia enerxética: mellora da iluminación ou das instalacións exteriores do edificio.
- Dixitalización: desenvolvemento de códigos QR, ferramentas dixitais informativas, entre outras.
- Mellora de fachada: revestimento ou pintado, renovación de carpintarías exteriores, mellora estética de cubertas ou muros de peche.
Máis información
Podes consultar todos os detalles aquí: https://dmsubvencionaxuda.com/axuda/embelecemento-do-litoral-galego-turismo-xunta-da-galicia/
